海天一色燒烤場 (已結業)

尋日星期六，嗰女去咗宿營，兩公婆諗港諗住去燒嘢食，過吓二人世界。無乜心水燒烤場，上網睇到呢間唔太貴，又有免費泊車，去到係夜晚九點。唔算太多人，坐得幾寛闊，服務都ok，去到攞嘢食處一睇，就覺得種頪少，腎已經無哂，粟米、番薯同菇頪都要另外俾錢，無咩好揀，求其要咗D普通嘢嚟燒，全部都好難食，芝士腸啲皮好靭，雞肉腸啲肉腍啤啤，多春魚好腥，豬頸肉又係好靭，雞翼同肉丸裏面啲雪味好重，一句講哂勁難食，環境一般，得個細細嘅遊樂場可以踩單車，同小朋友嚟都無乜嘢玩。燒嘢食最過癮就係好心急咁，等自己快D燒好啲好美味嘅嘢嚟食，但係啲食物一D都唔好食，有鬼心機燒咩，總之一定唔會再嚟。