十兄弟車仔麵 (已結業)

我同老公都好鍾意食車仔麵，於是我地就去左灣仔一間叫十兄弟車仔麵都食野啦☺️我同老公嗌左呢度既鎮店之寶，我食左個招牌八寶麵，啲餸菜都好豐富！碗麵有好多送，有牛坑腩，豬紅，豬皮，大腸，蘿蔔，粟米，雲耳，非常之好味，特別係啲豬皮好爽😄，而個麵都煮得好軟身！而我老公就食左個食神嗱喳麵！佢個碗都好大碗，有醬爆瀨尿牛丸，香辣魷魚同香辣豬紅好冧，蘿蔔鮑同汁魚肚！佢話啲牛腩煮得好入味，同辣魷魚辣得非常過癮！我地仲試左個炸雲吞，炸得非常香脆！而呢店仲有好多其他鎮店之寶，餐牌貼左係牆到非常方便客人點菜！