瓏門冰室 (已結業)

今日喺尖沙咀附近shopping， shopping完梗係去食好嘢。之前就聽其他黎旅遊嘅朋友提過尖沙咀有一間茶餐廳叫做龍門冰室，好食又抵食。今日即刻嚟試吓。我地2個人叫左鐵板餐嘅星級雜扒(黑椒汁)薯菜同至尊海鮮(龍蝦汁)意粉，飲涷柑橘蜜同涷利賓納。再加土匪雞翼。個鐵板餐有跟埋羅宋湯。偏辣。大家要留意翻。雞翼煎得唔錯，不過啲土匪味好似被劫走左。海鮮先到，睇落足料喎。跟住雜扒到，一樣大份。煙三文魚好長！唔洗加一！！綜合黎講，唔算貴，份量足，味道ok，店內算乾淨，小二反應可改善，上菜都快。可以一試。