首先講下食物，雖然碟嘅邊框大得驚人，但食物只佔咗碟嘅中間嘅少部分，真係有啲俾人呃嘅感覺。
而在音樂娛樂方面，駐場歌手嘅表現讓人無法忽視。佢哋嘅唱功不予評論啦，但表現實在缺乏專業素養，例如喺台上自high、自拍直播，令身為食客嘅我匪夷所思，心諗發生咩事……
更令人匪夷所思嘅係，駐場嘉賓竟然要求食客揮動餐廳提供嘅瑩光棒同佢自拍，凝造好享受嘅效果，但其實真係好冇癮。呢種行為唔單止離譜，更係對食客嘅唔尊重。明明我想好好enjoy用餐，反而就要忙於應酬佢哋，有啲懷疑係佢服務食客，定係要食客服務返佢哋？
此外，餐廳職員明顯地冇遵守自己訂下的規矩。喺駐場嘉賓演出結束後，明明事前講好俾每枱食客輪流派人上台演唱，但後來俾我哋發現其他枱嘅食客竟然出咗去表演三四次，可見餐廳明顯偏袒熟客，俾其他食客感到極度失望同唔公平。
我哋第一次嚟食，上面係我哋嘅真實體驗同客觀評論。
總結嚟講，我強烈建議所有諗住嚟呢間餐廳嘅人三思而後行。唔好俾華麗嘅舞台同環境呃到，您可能冇乜機會真正體驗到舞台帶來嘅歡樂。祝大家用餐快樂。
1
1
