影片
更多
2005-08-07
6 瀏覽
一直聽人講呢間野好正又咁多人排隊，所以0岩0岩呢個星期四特登同男友過海去試下，我地5點幾去到唔駛排隊，於是我地坐左係迴轉帶既出口位度，通常一坐低就會整左碟wasabi 先，但我發覺無wasabi喎，於是問佢啦，佢就話等陣，我地再坐左5分鐘先拎第一碟sushi，但wasabi都仲未黎喎，我又問佢啦，佢話入緊，好啦等左又6、7分鐘，我已唔耐煩，我想要wasabi咋喎，要等幾耐呀??我又問佢喇喎，佢答我refill緊就快得，我唔知係佢地蠢定咩，既然你地refill1樽wasabi要15分鐘都算喇，咁識唔識用個碟仔比左d客先呢？到左拎到黎又比錯隔離，好彩隔離好守望相助拎比我地，就係咁我地對住碟三文魚sushi成10分鍾先放到入口，之後我地就填紙仔order，5碟拎錯4碟比隔離，個女職員唔單止無sorry仲要用唔友善眼光望住我地，(原來拎錯野比客，係個客錯既。)之後仲好無禮貌地大聲講"邊個寫架"(我以為自己0係茶餐廳)，我地見order左碟炸雞柳好耐都未黎，就問佢地啦，點知佢答我今日無雞柳喎，我order左最少有20分鐘，仲要係根本無貨，即係落order時就知，但無人通知過，我已經對呢間野好失望
其實由頭到尾都係1個女仔無禮貌其他人都ok，但好明顯係佢地缺乏訓練又無人管理。希望佢地會知道令到客人食得唔開心，幾好食都係無用。
食物方面，好老實講，不能夠講好食，好一般。三文魚無口感好淡身，海瞻口感ok但都係淡身，炸蝦手卷較為ok，其他都好一般，無咩評語。
論食物質數，加埋咁既服務，我諗都無下次。
張貼