牛涮鍋 (已結業)

同fd一齊去打邊爐,想試喱間好耐呀,去到唔係好多人,不過都要等左好耐,因為個職員唔記得我地張飛..唔記得叫啦....之後即問佢,佢又面黑黑咁....唔記得都算啦仲要咁既態度...想點呀....未食已經有點奴奴地....問左佢之後隔左一陣就入得去了~!4人份量的肉,聽會長講係少左,因為上次個fd2人去食都係差唔多喱個份量(不是喱間分店),証明縮皮左,除左肉之外,配料係自助式的任食,都幾正~!好like日式火鍋既麻醬,不過喱間既麻醬唔得,唔夠香,有對比之下,忽然覺得吉野家既日式麻醬好好食~!一班fd打邊爐既感覺真係爽呀,喱到有埋軟雪糕食的,仲要有配料加既,不過部雪糕機壞左機一排,要個職員整左一輪先有得食...因為未雪到好凍吱出來係溶溶地咁......!綜合來講個價貴左少少,自助式配料 and 有軟雪糕食都唔錯,不過味道上就好普通,態度上直情係差,講真我都好少會太介意職員態度差(因為有時可能係食市本身既文化),不過作為日本食市都幾講禮貌,起碼都唔好黑口同十問九唔應啦,知你忙等下你,你轉頭就唔記得,要人叫幾次....下次真係唔會再去喱間呀~!