龍鼓灘海邊BBQ

營業中

休息中

几个朋友同時生日， book咗派對房慶祝，星期六日VIP房人頭收費$260/位， 人數夠20人就可以book一間好大嘅vip冷氣房(最多50人)。 另外場內仲有啲打卡位好靚，其中日式櫻花樹夜晚黑都好浪漫好多年冇入龍鼓灘， 呢度可以任食燒烤之餘又可以麻雀耍樂， 小朋友又可以係遊樂場追追逐逐玩， 晏晝12點玩到夜晚11點，玩足全日食足3餐。 重點係雖然已經秋天但仲係好鬼熱， 有間冷氣房嘆吓冷氣零捨唔同，簡直玩到唔願走。食物方面覺得正常一般, 品種唔算特別多但都叫合格 。即使book唔到派對房，坐公眾枱燒烤的話距離都唔會太貼，唔使背脊貼背脊😆。衛生情況:所有食物都有玻璃門冚住， 畀客人 取食物盤子亦有膠蓋冚， 覺得維生做得唔錯。