影片
更多
2019-12-17
44 瀏覽
聽朋友講係淘大商場嘅「SuperNormal」CP值幾高，食物質數高，價錢大眾化，環境好chill。所以今日約埋隔離嗰個一齊去食晚飯。一到步，如朋友所講，店內環境的確好chill，佢地仲有兩張4人枱係戶外，就算坐戶外氣氛都唔錯嫁😆不過今日凍凍地，都係揀返室內座位好啲😂‘SuperNormal’提供嘅食物選擇都幾多，有串燒、沙律、小食、意粉、意大利飯、漢堡等等，飲品方面有酒類、特色飲品同各式各樣嘅咖啡。晚市有提供精選二人餐，都幾抵食嫁，又唔使諗食咩。不過我覺得散叫可以食到唔同嘅野吸引啲🤪香煎海鱸魚配意大利雲吞意大利雲吞同濃郁嘅忌廉汁非常夾，鱸魚煎得好香，魚肉腍滑無骨，真係啖啖肉嫁🤤黑松露日本和牛漢堡漢堡好高大，有成部手機咁高，唔顧儀態都好難可以一口咬哂咁多層😂😂和牛漢堡扒牛味好香濃、好Jucie，滑得嚟又有口感，配上黑松露嘅醬汁、煎蛋、芝士，同埋兩大塊新鮮番茄，非常之好味道又唔覺得膩。伴碟仲有沙律菜同薯條，真係大滿足😋Aquarium呢杯係一杯由Alizé+Gin+Lychee同Soda組合成嘅cocktail。荔枝嘅甜味較突出，味道較一般cocktail溫和，唔識飲酒嘅朋友飲都會覺得好
‘SuperNormal’提供嘅食物選擇都幾多，有串燒、沙律、小食、意粉、意大利飯、漢堡等等，飲品方面有酒類、特色飲品同各式各樣嘅咖啡。晚市有提供精選二人餐，都幾抵食嫁，又唔使諗食咩。不過我覺得散叫可以食到唔同嘅野吸引啲🤪
香煎海鱸魚配意大利雲吞
意大利雲吞同濃郁嘅忌廉汁非常夾，鱸魚煎得好香，魚肉腍滑無骨，真係啖啖肉嫁🤤
黑松露日本和牛漢堡
漢堡好高大，有成部手機咁高，唔顧儀態都好難可以一口咬哂咁多層😂😂和牛漢堡扒牛味好香濃、好Jucie，滑得嚟又有口感，配上黑松露嘅醬汁、煎蛋、芝士，同埋兩大塊新鮮番茄，非常之好味道又唔覺得膩。伴碟仲有沙律菜同薯條，真係大滿足😋
Aquarium
呢杯係一杯由Alizé+Gin+Lychee同Soda組合成嘅cocktail。荔枝嘅甜味較突出，味道較一般cocktail溫和，唔識飲酒嘅朋友飲都會覺得好易入口😉
檸檬蜜桃蘋果梳打
顧名思義就係檸檬、蜜桃同蘋果溝埋梳打水嘅一杯特飲。意想不到嘅係幾樣野撞埋一齊非常之夾，味道一啲違和感都無😚
張貼
