茶木‧台式休閒餐廳 (已結業)

今晚同朋友行街睇戲 ，由於早食飯， 九點鐘又肚餓， 於是我哋搵地方飲嘢食甜品。 朋友提議去呢間餐廳， 鍾意佢坐得舒服、靜靜地、可以傾計， 食物飲品又靚 ，其實我都好鍾意。我哋一人點咗一壺茶， 朋友叫咗桂圓紅棗茶，非常滋陰養生， 好啱女士飲。 我就叫咗熱帶水果茶， 好鍾意佢裏面有好多水果， 有得食有得飲 ，同埋佢嘅味道好特別 ，次次飲完都覺得好開心。甜品當然唔少得。 我哋叫咗兩個甜品蛋糕， 賣相好靚， 賞心悅目。我哋食下飲下咁， 就坐咗兩個鐘喇。