葵花堡 (已結業)

今晚朋友帶Vi去左綿登徑呢間Bar & Restaurant飲野食飯, 之前黎過呢頭都無見過呢間餐廳, 應該係新開無耐, 入口好modern, 入面係bar既環境, 仲有飛標機玩~野食方面主要係食burger同小食, 另外仲有pizza, 我地一人點左一個Burger同一杯飲品~呢個Minden Pork係黑毛豬扒+菠蘿+蘋果蓉醬, 呢個combination出面少d見, burger賣相好令, 入面既黑毛豬扒幾厚身, 食落豬味香, 夾埋菠蘿+蘋果蓉醬無咩油膩, 係幾好食既, 不過個包就乾身同硬左d~朋友要既Big JJ其實係手工牛肉burger, 加左$10要蛋, 朋友話味道都唔錯, 但個牛肉係好林身, 個人中意有咬口既牛肉多d~ 另外burger +$48跟薯條同飲品, 飲品cocktail都可以揀, 薯條係粗身薯條, 炸得外脆內軟, 份量都好多~Pina Colada酒味唔重, 幾岩女仔飲~ 而朋友就點左無酒精既Strawberry Lounge, 入面真係有strawberry果肉~