影片
更多
2007-01-11
15 瀏覽
一月八日星期一，約了兩個大同兼朋友，另加阿sir一位，來個飯局。通常同同事都係晏晝黎比較多，次次兩個人點左個pizza再加個pasta就已經飽到唔郁得，今次四個人可以點多d之餘又唔使我諗食咩野真係人生一大樂事，呵呵~~~四個人叫左：磨菇麵包：一個橢圓形的麵包上面有香草同好細粒的菇，仲有d芝士。味道唔錯，熱辣辣幾好味，不過d菇同個包有d分離，一切開就跌晒落個碟度。雜錦海鮮pizza：好多次黎同同事食都會叫呢個，亦都係我話要叫o既。最鍾意d蕃茄醬，濕潤得黎又唔會整到個餅底太"諗"，簡直係my favourite。火箭菜火腿pizza (我地阿sir要求走蒜蓉，因為佢十級驚左陣味)：呢個pizza同海鮮o個個係兩種唔同的食法。呢個pizza的芝士就咁刨落個批度，並唔係落定然後一齊焗o既。面頭亦都有好多菜同火腿，仲有黑橄欖。火箭菜的味道幾特別，我呢d唔食未煮過的菜的人都食到。牛肉千層闊麵：呢個闊麵好好食，好多醬汁，酸酸地，唔會食兩啖就好滯。食完主菜，之後輪到就算點飽都要食的甜品，估唔到阿sir都會食~四個人叫左：pineapple gelato：呢度的gelato無論質感同口感都同我地平時食開
通常同同事都係晏晝黎比較多，次次兩個人點左個pizza再加個pasta就已經飽到唔郁得，今次四個人可以點多d之餘又唔使我諗食咩野真係人生一大樂事，呵呵~~~
四個人叫左：
磨菇麵包：一個橢圓形的麵包上面有香草同好細粒的菇，仲有d芝士。味道唔錯，熱辣辣幾好味，不過d菇同個包有d分離，一切開就跌晒落個碟度。
雜錦海鮮pizza：好多次黎同同事食都會叫呢個，亦都係我話要叫o既。最鍾意d蕃茄醬，濕潤得黎又唔會整到個餅底太"諗"，簡直係my favourite。
火箭菜火腿pizza (我地阿sir要求走蒜蓉，因為佢十級驚左陣味)：呢個pizza同海鮮o個個係兩種唔同的食法。呢個pizza的芝士就咁刨落個批度，並唔係落定然後一齊焗o既。面頭亦都有好多菜同火腿，仲有黑橄欖。火箭菜的味道幾特別，我呢d唔食未煮過的菜的人都食到。
牛肉千層闊麵：呢個闊麵好好食，好多醬汁，酸酸地，唔會食兩啖就好滯。
食完主菜，之後輪到就算點飽都要食的甜品，估唔到阿sir都會食~
四個人叫左：
pineapple gelato：呢度的gelato無論質感同口感都同我地平時食開的好唔同﹔似sorbet多過似gelato。不過都算好食，幾清。不過對我呢個唔嗜甜的人黎講就太甜。
香蕉果批：個餅底好脆，唔太甜，都幾好食。
pear tart：呢個係我叫o既，個雲呢拿雪糕真係用vanilla seeds做o既，所以會有一粒粒黑色的vanilla seed。整體上都好好食，唔算甜到要死，不過對我黎講都係太甜。
「黑鬼雪糕」：我都唔記得左佢的真實名稱，不過就擺好耐都唔會融，由於食完個tart都飽晒的關係，冇乜點試，不過佢個心有d唔知咩酒味的雪糕就好好食。
今晚終於輪到我地三個學生請食飯喇~ 次次都要阿sir請真係幾唔好意思o既......四個人食左$584，由於得三個人俾錢，所以下面個數係三個人攤分之後的金額。
唔記得左講，今晚餐廳得兩個人o係樓面，所以兩個人都忙到爆，斟水慢左少少咁啦，不過service都ok架，我地坐到十點幾先走都唔會話趕你走，不過由於張檯係牆角檯，迫左d啦。
張貼