樺得園 (已結業)

因為係附近番工, 所以lunch都食過不下五六次, 因為menu會轉, 所以次次都食到唔同既burger, 好好味好滿足! 今次黎到, 轉一轉口味, 要左1個魚手指拼煙肉burger($68), 1個香草汁雞排意粉配黑松露蛋($68), 再加1份薯條($10), 店員係落單時候已經問係咪share食, 如果係就幫我地切開個burger, 好貼心!! 首先黎左沙律先, 會有塊燒牛肉, 個沙律汁酸酸甜甜好開胃, 牛肉都好味唔un! 香草汁雞排意粉配黑松露蛋, 好大份, 不過個汁就比較淡, 食完burger再食就覺得無乜味, 黑松露蛋就好香好足料burger上枱已經開左二, 牛肉好多汁, d醬既份量岩岩好, 煙肉唔會太乾, 配果條魚手指都炸得唔錯, $68 真係算抵食!而加$10果份薯條真係好好食, 因為係我最鐘意既粗薯條, 感覺無番炸過, 所以仲係好鬆化, share一份都好夠!而每個set lunch會配番飲品, 每次都食到勁飽勁滿足同埋店員真係好貼心, 服務一流!