茶木‧台式休閒餐廳 (iSQUARE國際廣場)

營業中

休息中

同阿仔出街，搵嘢食，通常都會諗到附近有冇茶木。其實佢每樣嘢食，我都真係好鍾意，價錢相宜，但質素又有返咁上下，上枱嘅賣相，會有視覺享受今日又係食鹽酥雞，佢個鹽酥雞係我食過最鍾意嘅佢嘅手工麵，亦都係每次都食佢。唔想牙仔咁熱氣，就叫咗個台式烤香腸俾佢食，嗰隻滷蛋真係畫到不得了，不過我自己唔鍾意食糖心蛋，因為生雞蛋始終都會擔心，但係佢個蛋白就真係好滑，喺第二度都食唔到。不過台式腸真係好肥，好多肥豬肉，大人食平時我都唔覺得有問題，今次叫咗俾阿仔，先發現有咁多肥豬肉，我都唔敢俾佢食同阿仔可以開開心心咁食一餐，埋單都係$200左右，真係價廉物美