萬丸燒肉 (已結業)

銅鑼灣開業不久嘅日式燒肉店萬丸燒肉，提供高質嘅食材，當中仲有唔少係刁鑽部位！餐廳內環境優美，整體用餐經驗良好！富良野和牛背峰 $168背峰係肉眼嘅精華部位，數量稀少，大理石油脂花紋極為漂亮，一燒嗰浸油香味真係不得了！入口肉質滑嫩，鮮甜而且勁爆Juicy！富良野和牛中落 $148中落係肋骨中間嘅嫩肉，師傅已經𠝹好晒花，就算帶筋都完全唔怕，爽口而且充滿肉香！安格斯壺漬牛肋條 $98餣到入晒味，同樣𠝹好晒花，帶豐富嘅醬油香，入口軟嫩多汁，必點items之一！安格斯牛肚 $68以美國安格斯牛做嘅牛肚，輕輕烤熱就食得，味道濃郁，幾好！柚子醬雞腿肉 $88帶柚子醬嘅甜美同埋少少甘味！鹿兒島豚西冷 $88輕輕一燒就見到嘅脂肪開始溶，豚西冷甘香可口，推得推薦！燒鱈魚乾 $58香脆可口，係唔錯嘅餐前小食！香蒜番茄沙律 $68蒜香溫和，番茄去晒皮而且非常Fresh，一咬即爆汁，勁開胃！溫泉蛋紫菜飯 $58就咁食已經好好食，索埋和牛嘅肉汁同吃，真係會停唔到口！白桃梳打 $38巨峰提子梳打 $38帶少少果香，清爽解渴，同燒肉好夾！