海怪活鮮刺身專門店 (已結業)

店內有少量座位，未算坐得十分舒適，因為佢間鋪冷氣機漏水，我地要就住黎坐。但重點食材真係非常新鮮。
嗰日我地兩個人嗌左幾樣刺身壽司，等左成半粒鐘先有，餓到個人暈暈地，不過到野食上枱既時候就完全冇後悔，因為食材真係好新鮮，三文魚同帶子入口即溶，王子燒燒得岩岩好，中間芝士有少少拉絲。但係到加單嘅時候就好掙扎，因為又要等多半個鐘。到最終都係照加，因為真係好好味。
價錢方面都唔算貴，最緊要性價比夠高，所以一定會再繼續幫襯。
但係如果你人少入去食就最好準備足夠現金，因為要一千蚊以上先可以碌卡，支付寶又壞左，提款要由舖頭行去ATM，都要五六分鐘路程。