鍋心 (已結業)

通常都係趁啲任食乜乜新開就嚟試食，總係覺得初期會抵食啲~叫咗免加錢嘅莞茜皮蛋湯底，就係清清哋囉。手切肥牛 - 唔算肥美，但感覺新鮮；黃金墨魚燒(應該係) - 裏面有粒粒擬似墨魚，所以認為係"黃金墨魚燒", 其實同張單叫咗"包心魚卷"同"腐皮蝦卷", 但結果只嚟過哩樣。Anyway, 其實幾好食；手打墨丸 - 唔算太有墨魚味，但夠彈牙又有啲墨魚粒粒，幾好。生猛海蝦 - 基圍蝦都算海蝦！？但都新鮮大隻；即晚推介海鮮 - 就係蜆！細細隻幾滑但有啲有沙。牛展 - 細細塊"片"得夠薄唔韌，唔錯蟹抓捧肉 - 只係粉團嚟鱔片 - 全晚推介，夠新鮮，亦大方嚟好多塊，正！牛骨髓 - 好滑，正！脆鯇片 - 都好新鮮，但刀功麻麻，滿口骨碎口感差響鈴 - 受唔倒熱湯嘅洗禮，放落湯唔夠一秒都已經林晒香菇貢丸 - 細細粒幾夠味龍蝦丸 - 好粉，唔掂手打鯪魚球 - 鯪魚肉都新鮮，ok芥蘭苗 - 新鮮，夠嫩，脆甜後記： 個場唔大，招乎幾好；不銹剛枱好整潔感覺乾淨；食材唔係咩上價嘢但新鮮；有漏單但唔多可接受，但建議冇嗰啲嘢就出句聲唔駛等啲客落完再落都冇嚟。哩個價算抵食。