trattoria NOBILDUCA (已結業)

幾日前同朋友試下呢個意大利餐廳~侍應都好有禮貌咁招呼。一入到去，發覺有d 嘈，可能d 檯都擺得幾密，加上都有幾檯係8人以上既~ 所以，同朋友傾偈都間唔時唔係聽得太清楚~雖然係咁，我地覺得環境整體上都ok。我地兩個女仔，叫左兩客餐湯 (果日係薯仔大蒜湯，每客$58)，一黎到，個樣無乜特別，但飲落去，覺得都幾甜，我同朋友覺得最正係d 炸左既大蒜鋪係面，真係好正!! 又香口，做得好! 麵包都好好食，好鬆軟~我地叫左一客鮮蠔意大利飯，同一客鵝肝黑松露菌意大利雲吞。初初上檯時，坦白講，覺得個賣相好普通，一d 都唔吸引。點知一食落去......嘩，正呀! 鮮蠔意大利飯係成個飯都有蠔汁，好香好濃，雖然得三至四隻蠔仔，但可能個汁真係好濃，所以都唔覺得話特別少材料。仲有，我本身好鐘意食鵝肝，今次個鵝肝雲吞，初時覺得佢好細件，但係，食落去又係極度濃味! 我同朋友都覺得，唔係一般既鵝肝醬，應該真係用新鮮既鵝肝，再打製而成，先至少少份量都有咁鮮味。真係有驚喜! 我覺得呢個值得一試!最後食甜品，叫左一個咖啡汁榛子cake, 可能本身唔太鐘意太甜既甜品，所以覺得好似濃味得滯。埋單每人大約$250，整體上感覺幾好，