大丼屋 (已結業)

新張優惠，買一送一，試過8：30截單，所以今日6pm來，已經要等2張枱。最喜歡大大碗刺身飯，點了兩個最豐富刺身的大丼飯，個飯碗好細，影相效果就靚，但咁細碗好似有點失望，食食下，大碗飯可能食唔哂，唔好做大哂鬼。食時好多刺身鋪滿面，一路食想一路跌，都有滿足感的，夠足料嘛，試過所有刺身料都好鮮甜，冇雪味，馬糞海膽好大片好甜，三文魚籽都夠多，唔會食哂料剩番白飯，可能都係細碗飯都優點。本以為碗碗飯都咁細，但見隔離枱的天婦羅飯，牛肉飯等，係大碗些喎，唔通一送一作怪？但見人地咁大碗，真係大大丼喎，價錢又唔貴，可以再來試下其他款式，而且下午餐都好優惠呀！不過想飲日本茶就要$5啦。但今日無加一，係咪新張優惠定唔駛加一呢？題外話，唔好以為wasabi細細包唔夠吃，原來都好有份量，勁攻鼻的，都幾惹味。