S2 鐵板燒 (已結業)

過左新年後又迎來一波疫情，心情一直未能開懷，真係要黎一齊美食舒緩下。今日去到佐敦做野，見到呢間s2 鐵板燒，雖然鋪仔細細，門口都仍然佈置設計日式，另人一眼分辨出係日式鐵板燒。坐低後細看餐牌，見到重點推介食品：十八層海膽杯，似乎非試不可，加上做緊promo 即刻落order, 我地仲加左個海膽焗原隻龍蝦 北海道帆立貝海鮮套餐。先試海膽杯，份量雖然唔多，但用料十足，層次編排顯示出廚師既細心。用上全部新鮮食材，值得推薦，必試。再來海鮮套餐，先黎沙律清清口味，再黎北海道3味刺身，頭盤黎講都算係咁。之後主角出場，北海道海膽芝士焗原隻龍蝦，龍蝦好中隻，絕無欺場，海膽+芝士焗無得輸。再黎就係北海道黑松露帆立貝，帆立貝新鮮，配上黑松露好惹味。之後呢個真係要講，招牌脆皮煎鰻魚，原來鰻魚可以咁樣食，喜出望外。最後仲有特式黃金炒飯同焗雜菇及紙包花膠蜆湯，已經非常滿足，食完呢餐絕對可以暫時將一切擔憂忘記。下次會再試下個A5和牛套餐。。。😋