鮨池壽司店 (已結業)

之前喺呢間餐廳食過lunch覺得好滿意，今日就帶埋老公嚟食晚飯。我們點咗一份刺身拼日式燒肉套餐，另外單點咗生蠔、壽司盛、牛舌、海膽蟹籽炒飯同雪糕鯛魚燒。職員好快就送上燒肉套餐嘅雜菜沙律，新鮮爽脆，清新開胃。五色刺身盛（三文魚、帆立貝、赤蝦、白身魚、八爪魚各兩切）三文魚厚切肥美，口感柔軟；赤蝦大隻鮮甜，肉質細嫩；今次嘅白身魚是油甘魚，油脂分佈均勻，帶有一種濃郁嘅魚油香氣；八爪魚口感彈牙，五款刺身都非常新鮮👍🏻日本室津生蠔做緊買一送一，就點嚟試吓。生蠔肥美飽滿，食落好creamy好重海水味 時令壽司盛（火灸金目鯛、火灸真鯛、池魚王、伊佐木壽司各兩件）火灸過嘅鯛魚油分甘香，魚肉嫩滑；池魚王肉質細緻爽口，伊佐木軟腍肥美，魚肉味道濃郁。日式燒肉（A4和牛小排、A4和牛三角、澳洲和牛肩肉、澳洲和牛頸脊各三片）睇啲油花都知正！！有個迷你烤爐畀客人自己燒，燒嘅時候香到不得了，隔離檯都望過嚟每種牛肉都獨特嘅口感同風味，A4和牛小排肉質緊實，油脂香味濃到化不開三角肉質柔軟，口感滑嫩；肩肉同頸脊都有濃郁嘅牛肉味，真係非常推薦呢個燒肉set！牛舌串燒得啱啱好，中間重有啲粉紅色，口感柔軟，嫩滑無筋。海膽蟹子炒飯