中川

營業中

休息中

壽喜燒嚟講，食材正已經贏咗99%🤌🏻 「中川」嘅關西壽喜燒，食材質素非常唔錯😌前菜有馬山椒和牛煮，夠腍同入味；茶碗蒸面層有蟹肉，頗多蟹肉汁，令蒸蛋多咗份鮮甜。關西風壽喜燒先煎香牛肉，再加醬油同糖調味，姐覺得食落會香口啲。🥩 被譽為「日本一」嘅薩摩和牛油花分布平均，肉質鬆軟細滑，A4已經入口即溶！大分和牛A5 霜降油花更靚，味道亦更濃郁，每啖都覺得好幸福🥰 FYR 兩塊肉加埋120g ，都算大塊。🐣呢度雞蛋選用兵庫縣日本一，蛋味香濃、色澤金黃；🍚米飯選用北海道頂級夢美人米，口感香甜軟熟，兩者加埋配壽喜燒和牛一流！🍄‍🟫野菜盛合有丁字麩、洋蔥、冬菇、豆腐，索哂啲壽喜燒醬汁同肉汁香噴噴，再飽都要繼續食。🥸btw 餐廳對食材係有執著，揀 いとふ 京の焼麩 丁字麩係我暫時食過最掛汁同鬆化嘅麵筋，我覺得要入定幾包打邊爐旁身🕺🏻最後嘅雲呢拿雪糕有雲呢拿籽的，夠香甜，配軟糯十勝紅豆，一球真係唔夠㗋嗚嗚🥹$480食到優質食材+日籍主廚板垣和幸師傅嘅手勢，business lunch約呢度都唔錯。