魚がし日本一 (AIRSIDE)

營業中

休息中

今日去咗AIRSIDE搵食，試咗間主打Omakase風格嘅日本餐廳，全部座位都係對住師傅嘅吧枱，可以睇住師傅即場處理食材，夠晒有氣氛！🔥 火炙漁夫丼海鮮全部新鮮即炙，最正係帶子同左口魚裙邊——帶子外層微焦，咬落去鮮甜爆汁；左口魚裙邊油香十足，入口即溶，邪惡到極！🐟 三味吞拿魚丼（中拖羅、大拖羅、赤身）中拖羅油脂平衡，大拖羅肥美到漏油，赤身就魚味濃郁，三種口感一次過滿足！丼飯醋香啱啱好，唔會搶咗魚生風頭。🍵 鯛魚茶漬飯（跟丼附送）呢個湯真係驚喜位！湯底超鮮甜，仲有鯛魚肉，撈埋飯食暖粒粒，完美收尾。🍹 飲品荔枝乳酸梳打同巨峰乳酸梳打都好解膩，荔枝味清甜，巨峰提子味濃，配住魚生食啱晒！