茶室

營業中

休息中

呢度幾乎係我同同事晏就嘅飯堂，我每次都會叫喇沙或者海南雞，同事就會叫胡椒豬肚肉骨茶。海南雞飯單單咁睇就見到雞嘅份量好多，雞已去骨，雞身都嫩滑而且好重油香；不過個豉油就好現成feel喇，就咁一Dap都食得出係超市某一個常見牌子嘅出品。胡椒豬肚肉骨茶比起藥材做底嘅肉骨茶，胡椒湯更加暖胃，冬天食好舒服。排骨份量都好多，仲有大大條油炸鬼。仙草豆漿普通豆漿我就好少飲，但加咗仙草就幫豆漿加咗唔少分。仙草唔太甜，依靠豆漿嘅甜味，得出來反而甜度啱啱好。薑茶好辣嘅薑茶，完全無糖，味道好清淨，食完啲濃味嘢去一去啲味道都唔錯。不過咁樣叫個飯同杯嘢飲就七十幾蚊喇，打工仔依加食晏真係好貴啊。