鮨心 ，旬節 (已結業)

又係omakase呀 鍾意食日本嘢嘅我點可以放過食日本料理嘅機會呢 不過今次喺九龍區食 仲要係中心地帶旺角 位於快富街嘅呢間鮨心旬節 有兩層鋪頭每層都有三四十個座位 好少omakase可以容納到咁多人 呢度嘅餐由六百至千二蚊都有 豐儉由人 我哋就揀咗八百蚊嘅套餐前菜係由六種唔同嘅小食組成 擺盤勁靚成幅畫咁 水雲髮菜 係山芋蓉加海草做 食落酸酸地 幾開胃 支豆蕃薯豆腐 食落口感嫩滑 蕃薯味好濃 螢光魷魚 夠新鮮 海水味重 千島天婦羅蝦 炸蝦脆卜卜 千島醬惹味 魷魚大根 魷魚砌得好靚好有心思咁掛起身 銀魚青椒 送酒一流到咗刺身環節 粒貝 係由日本新鮮空運到港非常鮮甜 而且勁爽脆 針魚 用咗涼拌嘅方法去做 加入咗紫蘇葉同蘿蔔苗葉 感覺清新食法特別 大拖羅 用火炙燒一燒 在加入岩鹽調味 魚油簡直係口腔到爆發 好刺激到咗熟食環節 鹽焗銀鱈魚 用咗紙包方法去焗 所有精華都係紙仔入面 魚肉嫩滑多汁 口感彈牙 魚扒下面仲有蔬菜吸收魚嘅精華 冷玉子 其實係茶碗蒸 上面有螢光魷魚 熟咗嘅螢光魷魚味道都仲好濃郁 下面有嫩滑嘅玉子同埋魷魚等嘅材料食完之後就到我最愛嘅壽司 呢度嘅壽司全部都係用上赤醋飯 而刺身部