御名園

打風天去飲茶都係一個好節目，仲有點心放題就啱曬喇，呢度嘅點心味道都OK，重點唔會太濃唔咸，佢嘅甜品好好味。
可惜埋單時個經理嘅態度同說話令我哋好尷尬。。。。。
佢哋只可以落兩次order，而點心份量又好飄忽好難捉摸，例如第一張單油菜及鮑汁鳳爪都係寫“2份” 得兩條/兩隻，咁第二張單就寫4份啦，點知係一大碟。唉。。預計唔到份量下，有幾碟都食淨一兩件，我哋都唔想浪費食物㗎。點知喺埋單時，畀個經理大大聲講 “快啲過嚟睇下，佢哋食放題食唔曬” 勁尷尬，下次都唔敢再去呢一間囉！