極尚大瀛喜日本料理 (已結業)

一家人除左吃中菜，仲可以食日本野既，但既然各有各喜好，最穩陣當然係放題啦。日式放題坦白講食過好多次，刺身壽司當然唔少得啦，呢度既牡丹蝦幾得，肉質夠嫩，連蝦頭都俾我吮埋。不過次次食刺身都有點悶了，呢度放題有其他熟食好似自助餐咁好多選擇。醉雞雞翼浸到入晒味呀，酒味與雞味融為一體，凍凍地咁食係幾涼浸浸既。另一凍食係白雲鳳爪加辣版，好辣既人就岩晒啦，係另一凍食之餘，鳳爪酸酸辣辣，係好醒胃既。另外仲有叫左芝士焗扇貝，我最喜歡芝士掩蓋晒成隻扇貝，扇貝肉成個五蚊銀咁大，食落仲煙韌添。甜品仲有焗萄撻添，蘇皮脆之外又夠軟身，蛋黃焗得唔會燶，最後食左3件先收手，我既褲頭又窄左啦。