金鶴拉麵 (九龍城道) (已結業)

今日難得約到老友食飯，兩條佬決定搵間拉麵店食下，之前係北角食過呢間，覺得質素不錯，就帶埋佢黎食。呢間分店大過北角果間，坐位好多，又有個吧枱，可以欣賞廚師整野食。上次食過佢既招牌雞白湯拉麵，今次都唔諗咁多啦，好野緊係要食多次！朋友都follow。由於食過佢個鰻魚真係好高質，我地就叫左一串share。兩條佬緊係要啤啤佢，呢度有日本進口手工啤，menu有哂說明，好詳盡。我地分別叫左雪松啤同香柚啤。雪松啤：色澤較深，飲落係清爽，苦甘味較重。香柚啤：色澤較淺，聞都聞到甜甜地，飲落帶清甜既柚味，幾易入口。主菜雞白湯拉麵，炸牛膀好爽口；豚肉既肉味好重；兩塊雞嫩滑，睇落好似冇乜味，但食落個味好出。鰻魚串，不愧為人氣No. 1，個肉厚身，好飽滿既感覺，口感係彈牙既，蒲燒完即食回味無窮。吹下水，嘆下啤，Chill。