籠町茶番 (已結業)

抹布奶茶（$20）一開始睇抹布，心諗做乜咁dirty🤔😂。原來係指抹茶布丁奶茶，未見過！即刻買尼試試，一飲，又幾特別喎。司令超中意佢入面個抹茶布丁🍮！係食落有淡淡嘅抹茶味，而且質感好滑，配上奶茶就正正可以中和返奶茶嘅甜，兩者都可以平衡返。同埋抹茶布丁係珍奶界真係少之有，整得好飲嘅就更加少😂。所以呢間真係算難得，加上佢有好多唔同既抹茶飲品，鍾意抹茶既，不妨試下抹茶奶茶加抹茶布丁喎！