桂記雲吞麵食 (已結業)

能化骨的辣椒油
辣到匙羹都溶嘅辣椒油。食咗唔係重金屬入血，都肚痾。搞到我唔敢落。相信同呢排好興嘅胡椒噴霧，摧淚蛋，有得輝。

死亡辣椒油

雲吞麵
湯: 普通都冇倫。湯，係一般味精上湯。唔野味，冇鮮味。
雲吞: 大粒，但一般。即係大粒唔係賣點，冇味。只要加多少少胡椒粉落啲蝦先包，好食十陪。唔係蝦膠，係一粒粒細蝦。
麵: 冇味，一般。唔彈。

成碗令你唔想再食，食慾大減，如果計劃減肥，應該先嚟食一碗，應該等同食藥。

雲吞麵

值錢，雖然成碗嘢，我只覺得佢值廿蚊，當畀6蚊貼士。最可取係價錢。