大滿喜日本料理 (已結業)

同親戚攪聚會，成日都係食酒樓，今次攪攪新意思，食放題，貪佢係任飲任食，照顧到大食的親戚。其實呢間想訂D星期五六日真係好爆，因為一行8人，我預早兩星期先有位。一入座我們食慾按耐不住，刺身先，希靈魚，八爪魚，三文魚，北海道帶子，北寄貝，大甜蝦，質素好好，特別好吃是甜煆蝦，刺身盤叫了七次，值呀。壽司唔算好多款㨂，但大部份好食，我心水推介黑松露三文魚腩，七味辣牛肉，火炙XO醬帆立貝，芝士燒三文魚，Fusion壽司，味道好夾。那晚的一品料理好正，鮑汁花膠鴨掌，黃金蝦，蒜片牛柳粒，鹽燒三口文魚頭…我覺得三文魚頭好食，燒起好有油香和魚味。另外D沙律和小吃都OK如蟹籽沙律，青木瓜沙律，泰式鳳爪個酸辣汁好入味，好食。我食米線叫過的土匪雞翼，呢度都有得食，有淡淡孜然粉味道，重有黑芝麻，好惹味。甜品如楊枝甘露布丁，朱古力糯米糍，芝士餅都好食，表姐勁愛吃甜品，叫了N轉，佢打正旗號食甜品放題呀! 我地叫到好瘋狂，一D都無唔好意思，難得店員重好好服侍，去邊度搵，抵比加一啦。