影片
更多
2017-03-24
711 瀏覽
繼我生日朋友帶我去食the captain's house之後，佢生日我梗係要帶反佢去食好野！間間我介紹既佢都食過，到最後都係佢揾呢間彌敦左岸我地去試！真係好耐好面無去赫德道，成條街唔同哂咁，去到彌敦左岸，好在有訂枱食飯，唔係既話經過一定會以為佢只係一間bar，原來上樓先係餐廳！餐廳暗暗地好有情調，要求坐卡位店員都無托手爭！我地叫左支Germany resling，味道偏甜但喉底仍留有少少酸味，after taste係酸味帶岀既果甜！配食物去享用係perfect, 太dry既白酒又一定要配食物，太甜如moscato又遮蓋食物味道，呢支酒屬於中間地帶，既唔會遮蓋食物味道，又可以唔配食物都易入口，幾時飲都得！我地嗌左份無花果醬配鵝肝多士，鵝肝配多士不嬲都係perfect match，加左無花果醬實在係一流！鵝肝多岀泥既油份可以比多士吸走，唔會浪費珍貴食材，而無花果醬既清新甜味可以中和鵝肝既肥膩感，平時食一件已經覺得好膩，加左無花果醬之後食多幾件都得呀！另外嗌左豬手配薯角，其實不過不失，豬手既皮夠脆，但可能我喺大角咀間漁小館食左人生中最好味既豬手後，其他豬手都不外如是，不過有點失望既係佢既芥
間間我介紹既佢都食過，到最後都係佢揾呢間彌敦左岸我地去試！
真係好耐好面無去赫德道，成條街唔同哂咁，去到彌敦左岸，好在有訂枱食飯，唔係既話經過一定會以為佢只係一間bar，原來上樓先係餐廳！
餐廳暗暗地好有情調，要求坐卡位店員都無托手爭！
我地叫左支Germany resling，味道偏甜但喉底仍留有少少酸味，after taste係酸味帶岀既果甜！配食物去享用係perfect, 太dry既白酒又一定要配食物，太甜如moscato又遮蓋食物味道，呢支酒屬於中間地帶，既唔會遮蓋食物味道，又可以唔配食物都易入口，幾時飲都得！
我地嗌左份無花果醬配鵝肝多士，鵝肝配多士不嬲都係perfect match，加左無花果醬實在係一流！鵝肝多岀泥既油份可以比多士吸走，唔會浪費珍貴食材，而無花果醬既清新甜味可以中和鵝肝既肥膩感，平時食一件已經覺得好膩，加左無花果醬之後食多幾件都得呀！
另外嗌左豬手配薯角，其實不過不失，豬手既皮夠脆，但可能我喺大角咀間漁小館食左人生中最好味既豬手後，其他豬手都不外如是，不過有點失望既係佢既芥末醬唔係honey mustard，但茄汁偏甜既味道好啱我！如果豬手可以有店員幫手切就一定會加分！兩個女仔姐手姐腳真係搞佢唔掂！
仲有一份海膽麵，唔記得左佢個名係咩，但實在太驚喜太好食！海膽好鮮甜，個麵既汁認真一流！食到好多粒蟹膏同蟹肉，好新鮮，食唔到雪藏味，個汁好creamy，成個感覺好夾，好好食！
早在訂枱時同店員夾好左訂左份甜品寫朋友生日快樂，喺甜品上到泥時，幾個店員連同經理都一齊唱生日歌，連我都覺得好surprise好開心，之後主動上前幫我地影相，再送多支煙花比我地影相！好體貼，呢啲細微既動作絕對係我會再去幫襯既原因！竟然仲有份小禮物送比我朋友！雖然係幾份memo紙，但已經比其他餐廳做得更加多，值得加分！
張貼
