C1 Café Bistro (已結業)

之前都有食過呢間，今日晏晝咁啱嚟到佐敦，喺門口見到原來個餐牌原來有Brunch食，就入咗嚟試吓。本身都未食早餐，所以就叫咗個羊柳意粉配秘製醬汁食，再加多個雜莓乳酪。羊柳意粉食落有少少辣，但都幾開胃，啲菇同埋羊柳嘅份量都好足夠，唔會話意粉多但肉好少。其實又唔算好辣，相信唔食得辣嘅都可以一試。個醬食落有少少中式味，問一問個職員其實係咩醬，原來碟意粉係用腐乳去炒，估唔到又幾夾。杯雜莓乳酪唔錯，果味幾濃，物有所值。但食呢個少少辣嘅意粉需要用一杯比較滑嘅嘢飲去中和吓，因為乳酪有啲澀，所以整體食落去尚算可以，如果換杯普通野飲可能整體會更好味同更開胃。