顏府御膳 (已結業)

朋友發現Cubus最近新開咗間中菜，而且裝修雅致有特色，環境唔錯，位置又方便。趁限晚市堂食前，出嚟食返餐先，下次又唔知幾時先可以一齊晚飯。✨琥珀合桃合桃鬆化香脆，甜度啱啱好！✨瑤柱XO醬好足料，少少辣，味道惹味但唔鹹，我地當小食就咁食。✨青瓜海蜇頭好開胃嘅一個前菜，海蜇頭厚肉大塊，比一般海蜇更有質感，入口爽脆，食落索索聲，味道酸酸甜甜，雲耳柔軟配埋清甜嘅青瓜，非常清新。✨海底椰川貝燉鱷魚肉呢排天氣又乾又凍，飲返個鱷魚肉湯滋補一下。燉湯夠哂火喉，肉味香濃，同時又非常清甜，飲完成個人都暖笠笠。✨雙色蝦球蝦球大大隻，一碟兩款煮款，一次試哂兩種味道！先食彩椒炒蝦球，好有鑊氣，蝦球爽口彈牙，紅黃椒味道甜甜地，更有提鮮作用。黃金蝦球香濃惹味，外層包滿濃郁嘅鹹蛋黃，鹹香十足！蝦球啖啖肉，好正！✨慢煮牛肋排牛肋排，肉質軟腍鬆化，好入味。醬汁味道酸甜，完全化解肉膩感。✨XO醬肉碎炒芥蘭又一惹味之選，芥蘭翠綠，幼嫩冇渣，用砂鍋熱住上，蝦乾香氣十足。