碗屋 (已搬遷) 新店位置

　　碗屋計埋已經去過二次，第一次食會好驚喜，因為當你食過九流放題，你就知碗屋有幾好！　　雖然唔係一流水準，但絕對值回你付出o既金錢，只要你唔怕三高狂食鵝肝多士，仲有燒大蝦，呢2樣如果係你至愛，你會一路食一笑，然後繼續遞點菜紙！　　第一次去碗屋係上年十月o既事，感覺良好，第二次去，感覺平平，因為已經知道有咩食係咩味，無驚喜，感覺就係：「咪又係咁」但當近來食過一些好一般o既放題，回想起碗屋，其實碗屋真係好好多，所以令我好想搵返D相出嚟寫食評，因為好的食店一定要鼓勵！　　因為2次都係十幾人去坐房食，仲要有人請客，真係食得好開心！　　基本上好味o既都無走雞，叫幾多都有人可以食得晒：鵝肝多士，燒大蝦，刺身，海膽手卷，銀雪魚，雞奕，多春魚，羊架等等.......老老實實，如果唔係人到中年開始暸解乜嘢係健康重要，真係多多鵝肝都食得落，咪理個件鵝肝係咪來自法國，絕對能夠單純滿足對鵝肝欲罷不能的情感。　　唔好味的有豆腐，沙律，炒雜菜/菇，不過一餐裡唔食番D菜類物體，好似唔係太健康，所以唔好食都會叫嚟食！頂多一路食一路彈嚟平衡心理啫=.=　　銀雪魚係好味的，但要提醒大家，一塊二個人食就好了，因為好漏！事源