真味鮮廚 (已結業)

食放題當然要找一間食得盡興啦！所以今日喺APM行完街，順道過隔離既亞太中心，去咗呢間《真味鮮廚》試吓先！刺身拼盤～（三文魚、吞拿魚、帶子和帆立貝）厚切又新鮮，重有鮮甜既（八爪魚和甜蝦），另外最吸引我嘅（冰鎮鮑魚）炆得夠味，又帶爽口，凍食口感一流！雞煲～足料，醬汁夠惹味，份量不會太多，至於味道方面，如果有個蓋子焗一焗，會更加入味，整體不錯！海鮮拼盤海鮮盤有龍蝦、龍躉、鱔片、青口、帶子和蝦，擺盤一流，樣樣海鮮都大大隻，火鍋食龍蝦，都係第一次，肉質亦非常爽口彈牙👍🏻👍🏻！其餘食材，飲品和配料就係任飲任食，QR code 落單十分方便！最愛竹蓆茅根，一睇就知真材實料，亦特別搶手😊！