漁屋日本料理 (海寶花園) (已結業)

呢間真係好爆，我地足足等左接近20分鐘先有得入座。用手提電話落單，都幾多選擇。😮要提一提，野飲要盡快叫，因為要等好耐先黎。😴 —因為都影左唔少，藍妹揀啲比較好食既講。壽司盤好靚喔。😍雞軟骨超好食，通常食到既都係好乾好咸，但今次完全唔會，好脆而且唔乾。😱鵝肝多士，估唔到佢舊鵝肝都唔細，多士熱辣辣，夾埋一齊食好正🤪三文魚同甜蝦刺身都幾好味，可以encore🤤軟殼蟹都算大隻，如果可以乾身啲就更好。—整體冇乜特別，啲野食係中上水準。🤔當晚最難忘反而係有2枱人慶祝生日，店員會拎蛋糕出黎，播哂生日歌，中英版本咩都齊。仲要全場熄燈，變到disco咁，閃到眼盲，閃足10分鐘。🙈