滾火鍋 (已結業)

深水埗一向無咩特別令我鍾意嘅餐廳，但今日去食滾火鍋，竟然令我有驚喜。原本只係想搵個舒服d嘅地方休息下過週末，果陣5點幾，好早，門口見到佢無咩人就入左去。我同朋友2個人叫左西班牙黑毛豬、雜錦蔬菜盤、手打四寶丸、金菇菜。先講下黑毛豬，佢肉色好靚，因為新鮮送上，咀嚼口感好好，呢個都係我最推介的。而丸就聲稱手打嘅，食落都真係比較新鮮，而且賣相非常靚，每款丸有2粒，兩個人食啱啱好。雜錦菜有幾款唔同嘅蔬菜，有南瓜同菇果d，都係唔錯嘅選擇，可以中和下太多肉，令人無咁有罪惡感🤣 而另一樣我最滿意嘅係員工，員工服務好好，真係笑住serve你，我地5點幾坐到8點佢都唔會唔鍾意，無比人趕嘅感覺。真心覺得呢間唔錯，當然佢價錢比深水埗其他食肆貴d，但一分錢 一分貨啦，如果有budget 不妨試試。