重慶洪鼎火鍋 (已結業)

今日同朋友係尖沙咀聚會，行行下見到尼間門面莊煌既重慶洪鼎火鍋店，就興起入左去食。一坐落，就見到一個貼紙寫住：凡讚好佢地既facebook page，就會送一客黑毛豬炸酥肉。炸酥肉係即炸，香脆可口，雖然係送，但個質素唔會因為咁而差。之後我地就問個侍應有咩好推介，侍應就介紹左佢地既沙巴龍躉同金牌拼盤系列 (海鮮拼盤及盛肉拼盤)。海鮮拼盤及盛肉拼盤分別都有3個款式俾食寫選擇，我地揀個個海鮮拼盤包括有1條活石蚌魚刺身、竹串海蝦、鮑魚及貴妃蚌，而盛肉拼盤包括有美國安格斯牛小排、牛板腱、西班牙黑毛豬梅肉及紐西蘭羊肉片。至於湯底我地就揀左「正宗洪崖洞麻辣鍋」(小辣) 配 「木耳雞湯鍋」。麻辣鍋既花椒味很香，因為點左小辣，所以唔太辣，但又好惹味。「木耳雞湯鍋」真材實料，有一隻大雞脾在鍋內，雞湯味濃，雞脾肉亦好入味。特別要講既係海鮮拼盤，每一款都非常新鮮，而且份量及質素都誠意十足，上黎個陣鮑魚都仲識郁架。咬一口鮑魚有陣濃郁既香味，仲好有口感添。貴妃蚌就食落爽口彈牙，肥而不膩。總括黎講，食物同服務質素都好高，最抵讚係侍應態度佳，上菜速度好快，無漏單既情況出現，座位寬敞，環境同啲餐具都好乾淨，價錢合宜，尼間