諾亞半熟蛋糕專門店 (已結業)

今日表妹生日，想買個卡通蛋糕氹下佢開心～之前買半熟蛋糕嘅見到有動物樣嘅蛋糕，所以決定再次幫襯。最後我買咗小黃鴨檸檬半熟芝士蛋糕😋個造型超級可愛，搞到表妹有少少唔捨得食落肚😂鴨仔既五官用軟朱古力製成，可愛之餘食落去又唔會太甜。可以話係食得又睇得👍🏻味道方面，因為係檸檬味，所以有少少酸甜，非常開胃～香濃芝士加上清新檸檬令人即使食飽飯之後食都唔會覺得好濟，一啲都唔膩。不過呢款蛋糕切開之後就唔太流心，可能係因為係雪櫃拎出嚟之後就直接食😳整體而言，價錢比較大眾化，款式又比較特別，值得一試～