家宴 (已結業)

有驚喜的工廈私房菜亞媽生日，亞嫂經朋友介紹訂呢間觀塘工廈的私房菜，我地12個大人5個細路，一入餐廳第一驚喜是我地包場，原來每晚只會接一枱客。食物方面雖然係私房菜，但分量夠大足料，仲有得打包拎走。頭盤有3個:素脆鱔酸酸地小朋友鍾意食，海蜇頭比較特別，出面少食到，鮑魚好冧夠入味。湯:百合瑤柱竹絲雞，一盅盅上，碗碗都有成粒瑤柱，仲有螺頭，值得推介。主菜:蟹蓋好多蟹肉，成個菠蘿包咁。黑松露蝦球，蝦球好大個。仲有個蝦湯浸菠菜都比較特別同好味。香蔥帶子炒飯,個樣幾靚;另外個甜品川貝燉梨都好潤。地方好啱一家大細去，因為包場同埋有d玩具比細路玩，大人又可以傾下計。