甜豆甜品專門店 (已結業)

由於比今日（唔好食的）午餐打倒咗，我真係好需要其他的野食來支持下，所以我去咗係屋企後面的甜品店試下。我找咗個係屋企附近都無的甜品來試下，叫apple crumble，佢將啲蘋果切到一細粒，加咗啲野，然後拿去焗，個面頭就有啲麵包粒係到。呢個甜品好好味，因為佢的蘋果味好出，又唔係好甜喎，我起初以為啲麵包粒會好乾，但係我是錯的，佢啲麵包粒都好好味仲吸咗蘋果香味，讚。我當然唔會食咁少野啦，仲有一個楊枝金露涼粉打底，佢的涼粉就真係估佢唔到係一條條而唔係一粒粒，咁樣就同入面的金露好夾，仲好易＂筆＂出來食。呢兩個甜品真係比到我好多驚喜，真係食到我好開心，所以要推介比大家，分享下。