老鍋台式火鍋 (已結業)

而家d火鍋店質素越來越高，打邊爐已經唔再係heavy或者唔健康。最近我同老公都減肥，想食得清d，我同老公提議食呢間既「美人鍋」，佢起初半信半疑，覺得減肥絕不能打邊爐，但食完後佢明白晒。。。首先去整個調味醬，個蒜泥汁比起蒜泥及蒜蓉更香更濃更惹味，為這頓邊爐錦上添花。我地都係貪食，所以最終叫左鴛鴦鍋，一半「麻辣鍋」一半「美人鍋」。「麻辣鍋」真係超級惹味刺激，湯裡已有足料蜂巢豆腐同鴨血，索晒湯汁，十分滿足。另外個「美人鍋」都冇令我地失望，超足料，半鍋就已經有半隻烏雞、桃膠、杞子、南棗、金華火腿、藥材等，非常滋補養生。湯汁集合材料精華，就甘飲都好暖身。我地另外點了「美國梅花豬肉」、「唐生菜」、「芋絲」、「稻庭烏龍麵」同「皇室魚肚」。「美國梅花豬肉」肉脂分布均勻，軟稔豬味濃郁，肉片吸收湯汁更是惹味。「芋絲」同「稻庭烏龍麵」都好貼心甘有個篩比我地淥方便食用。「皇室魚肚」厚身大塊，又綿又索湯，魚肚本身既魚香味配上湯汁，非常出色。另外點了「蘋果味手工啤」同「荔枝梳打」，冰涼透爽。。。吃畢後，雖然好滿足同飽，但就冇濟既感覺。仲要完全唔頸渴。如果想打高質素既邊爐，可以試下呢間。