El Portal (已結業)

放寬，放寬真係仲未有份，只好食餐好既鼓勵下自己啦。呢間中東餐廳，之前聽講過幾特別，朋友話有特色，野食都幾特別，就黎試下。佐敦站，行幾分鐘就到，好近好方便。行到路口就有個好醒目既牌，到喇。上到去，環境真係唔錯，餐廳之餘應該都適合包場搞party，係幾舒服既地方。睇下menu,見佢個希臘餃子已好吸引。 黎到真係幾靚，仲真係即炸。 入面好暖，外面勁脆。 入面既菠菜剛好中和左乳酪既油膩，而且唔會勁咸，又比中式既餃子更香，口感真係好特別。八爪魚豆蓉，咪睇佢細細入咁，可以比美一份扒。豆蓉好香唔漏，八爪魚煎得好靚，咁大件厚身都唔硬。 而佢既伴碟花都切得好有心思，好靚。最後食埋甜品Churros。 呢個真係好出名，而佢炸到好香，鬆軟又脆，冇肥利感。 最正佢下面既花生朱古力醬，真係超正。果然可以滿足到當自己去左中東地方旅行食返餐。