十二味 (LADDER Dundas) (已結業)

近排突然間好想食辣野又懶得返大陸，於是搵下香港有咩川菜選擇，搵搵下竟然搵到哩間新店。一出𨋢職員已經好好笑容咁招待我地埋位坐，菜式既選擇都幾多。 香鍋。哩道最出名既招牌麻辣香鍋，最少要揀5款配菜。今次揀左牛柏葉，滷水豬腸，嫩牛肉，海帶，寬粉。一黎到勁大鍋😂，哩個份量應該至少3個人先好叫。揀左少辣，最正就係啲寬粉同牛柏葉，吸哂啲辣味，建議中意食辣既人可以挑戰再辣啲。-夫妻肺片。件件都好大塊，切得又薄，容易入口，麻味都幾出，做前菜夠哂開胃糖醋排骨。份量多，每件都炸得好香口，酸梅味好出，用黎解辣都唔錯。蔥油拌麵。同平時出面食既有啲唔同，哩道係拌油麵，入口彈牙，重有陣蔥香味，但因為係蔥油加油麵，比較滯口，一定要share🤣🤣但都惹味既紅糖糍粑。成晚最期待既一道甜品😍，外皮炸到脆一脆，內裏煙煙韌韌，沾埋紅糖食，簡直絕配。重要整到細細舊咁，食落口又唔會好漏。慾望酸梅。哩杯飲品係解辣之選，淨係見佢咁大杯都已經好抵。食完辣野飲幾啖又可以繼續挑戰其他😂。最後值得一讚係哩道啲職員服務態度真係好好。