Crazy Car Café (已結業)

一直都想黎尼間，位於D2 place 既有得玩又有得食既Car Crazy Cafe. 我黎尼到唔係為左食。而係為左玩！玩尼架Crazy car。今日星期日真係好多人。首先講左收費先。佢係每人$120食野+$80入場玩車。總共至少消費$200/人。而無限玩車。但今日因爲假日，所以好多人，我地成班朋友去都係玩得2-3次。平時少人時，起碼可以玩4-5次（我聽我朋友講）。每次限5分鐘。真係好好玩。講番食物。我地叫左小食加飲品。計得岩岩好每人都係$120左右另加一。叫左炸雞翼$88/5-6隻雞翼。不過不失，上台時都熱騰騰，脆身有汁。仲叫左薯格、薯條、沙津。食物方面不過不失啦。價錢都唔算平。但有得甘樣玩crazy car，已經抵晒。好多小朋友都黎玩，都幾受歡迎。最後埋單都係$215/人。玩左2次車。再食下小食同一杯飲品左右。好玩！