激安燒肉工房 X 大眾燒肉酒場 (已結業)

最近搬咗同呢間餐廳住得好近嘅關係，終於有機會食到佢。呢間係一間黃店嚟嘅，而且唔係連鎖嘅燒肉店唔算好多，所以一直都好想嚟試下。叫咗最出名嘅九宮格set﹐冇嗌和牛嗰種，呢種係比較平嘅。因為星期六日係有lunch﹐食午餐嘅時段仲有七折，都幾抵食嘅。九宮格入面一早調咗味嘅個牛肋肉同埋護心肉都好好食，和牛都好明顯食得出同普通牛係有分別嘅。 跟住仲叫咗個月見飯，想要同牛角嗰個比拼下，都好食嘅，但係覺得好似牛角嗰個正啲。 菇類就正正常常啦 呢個係芝士年糕，最初我哋一直燒唔好，應該係要先大火一下子燒到兩邊都有d焦焦地。但係好奇怪，佢係配咗煉奶，啲芝士鹹既，又鹹又甜，有啲怪。兩個女仔食，感覺好似唔係食好多嘢，但係其實都幾飽。但係食完之後就一直好想飲水，應該係啲肉入面落咗好多味精，好口渴，所以應該未必會食第二次。