coupon 既內容係$128有4道菜, 包加一
今日放工終於去食, 琴日已經book 左位, 而且我地係book 9點, 所以去到, 唔駛等位, 已經有位喇!
咁4道菜都包括有沙律, 餐湯, 餐包, 一道主菜(4選一), 碳燒一口蛋糕, 餐飲
其實聽落都ok 架, 但係當d 食物黎到....真係覺得呢$128真係唔抵!!! 本來我都有影個沙律, 但當個食完個沙律, 實在影唔落手, 但最後, d 食物食剩左後, 覺得都要影比大家睇...
睇個煙三文魚沙律
覺得表面都幾好架, 但係食食下, 見到d 生菜係黃咁咁, 而且有d 都黑黑地, 講真, 沙律真係要講求新鮮, 我自己都成日整沙律, 自己整得多, 變黃左都唔介意自己食返, 但係呢度係打開門做生意, 點可以d 生菜變黃變黑都可以拎出黎???
其實跟住有個餐湯, 個湯一黎到, 我真係唔想影, 個湯其實係烏雞冬菇湯, 成個湯黑色, 一個中湯又點可以配餐包呢??????????
當個餐包黎, 我仲諗住應該最好食係個包, 但點知我都係錯既!!!!!因為個餐包, 應該係加水叮熱(怕硬), 好明顯係返叮返叮再返叮, 因為個飽底好有水氣, 而且食落個包竟然有韌既感覺囉!!!!
跟住上個三文魚忌廉意粉, 點知上到黎, 成碟意粉竟然都冇忌廉, 得dd汁係底囉, 成碟既意粉係冇汁囉!!!!!加多少少汁係咪唔得???
最後上埋個甜品, 唉, 我一叉落去, 都同老公講唔好食!!! 其實佢係brownie, 但係超硬既bownie囉!!
餐飲, 我同老公各自叫左咖啡, 不過佢凍我熱, 但係我地兩個同一個comments 都話好難飲, 真係唔知點解, 杯咖啡都難飲過人, 我平時飲熱咖啡, 唔加糖, 我都可以飲晒一杯, 但係呢杯, 我真係飲唔落, 超苦同有澀味囉!!!
我同老公都覺得, 雖然我買coupon 係平, 但d 水準唔駛咁差丫麻!!!! 你做promotion 都係想人地再返黎食過啫!!! 但係經過今次, 我唔會再比錢黎呢度食囉!!!!
