至尊重慶雞煲 (堅拿道西) (已結業)

銅鑼灣一帶好少任食既火鍋，係Open rice 禁到呢間平得黎又有雞煲食既任食火鍋，只係收158加一，咁既價錢係銅鑼灣黎講真係好平民。其實之前已經食過至尊，不過係旺角創興個間，所以大約都知係點。餐廳內有一個小型既自助區，有三款野飲任針（蜂蜜雪梨，椰青水，薏米水）試左椰青水，淡到不得了😳。有2款糖水（椰汁芋頭西米露同綠豆沙），兩款都好難食，西米癡埋曬一舊，而且好林，綠豆沙好甜而且d綠豆爛哂，兩款甜品都好似放左好耐咁，大家千其唔好食😦！另外有幾款開胃小食，包括雞腳，酸羅白，手拍青瓜同埋咖哩魚蛋。野飲方面都幾多選擇，而甜品方面，只見得一款雪條，我食完整餐之後，已經無晒🙄。首先雞煲我地要左小辣，辣度ok，不過等候時間都幾長。雞肉方面唔錯，幾滑，又好入味，不過真係入味過頭，咸到傻，食左兩舊就無食直接加湯打邊爐。火鍋配料選擇少，不過都係預期之中，都算過得去。賣單336 2個人，都OK la，對火鍋要求唔高既話會覺得抵食既，但問題係，食完第二朝我同同行既朋友都肚痛加肚疴，我諗9成都係d野唔乾淨，所以無下次！