勝面 (已結業)

星期五晚突然好想食台灣野，就搵到呢間「勝面」近期幾hit，位於朗豪坊11樓既台灣食店，晚飯時間黎到都滿座了，要係外面排一小陣才安排到入座😎🌟珍珠奶茶 $25🌟黎到台灣店，當然要叫返杯傳統珍珠奶茶飲下，他們的珍珠係透明的，個人比較喜歡飲茶味偏濃的，刻意要求少甜的甜度☺️😌🌟人氣精燉牛腱心關廟麵 $58🌟最讚既係湯底，好清甜，係清燉湯底味道，而且不會太咸，關廟麵既口感就彈牙可口，不會過份軟腍🤤🌟台式甜不辣拼花枝丸滷肉飯 $62🌟滷肉飯又係必食的🤤要搞拌勻後先好食，最鐘意就係食既時候濃稠感，黏咀的感覺，甜不辣口感彈牙，份量十足，食完肚皮已經快撐開了🤭🌟招牌仙草凍 $35🌟未食正餐之前已經嚷著要食，就算飽到想吐，都要食埋先心息😅😂仙草食落係由心涼到出黎，好透心涼，口感好滑溜，加埋芋圓珍珠口感煙煙韌韌的，食完好滿足😁🌟流心麻糬芋泥雞蛋手工手抓餅 $38🌟味道香脆可口，平時咸味手抓餅就食得多，估唔到手抓餅都可以做到甜品，芋泥同雞蛋味道出其地夾，加上麻糬質地，口感食起上黎更佳🤩