港口味冰室 (已結業)

朋友介紹我到長沙灣的港口味冰室，於是星期三晚上就去試下啦！ 雖然是平日，但差不多七點冰室已經坐滿客人了。冰室的食物種類都算好多， 常餐，住家餸，炒粉麵飯樣樣齊。 看見晚餐有孖寶精選$158 ~ 海南雞半隻 + 豉汁蒸鱸魚，價錢太吸引了，只需要$158就有雞和魚，立即落單， 還有點了黑松露莎拉一字骨$68， 榛子醬西多士$25，菠蘿冰跟餐$7，熱阿華田跟餐免費。海南雞半隻，份量都幾大碟，雞皮爽口彈牙，雞肉嫩滑，還有自製的醬料，相比出面吃的海南雞醬料有點兒不同， 酸酸辣辣但味道不會蓋過海南雞的香味。還有配菜有自家製醃蘿蔔，味道剛剛好，食落夠開胃！黑松露莎拉一字骨， 靚靚的賣相，香濃的松露味植樸上鼻，這一碟簡直色香味俱全。蒸魚是我的最愛，但是要好味首先一定要夠新鮮，這條加州鱸魚正正是新鮮嫩滑，還有蒸魚的甜豉油用來送飯一流。好多地方都冇得飲既菠蘿冰，港口味冰室有得飲， 仲好好飲添！ 新鮮又香甜的菠蘿，正！熱阿華田，不算太甜，最特色的是杯上印有港口味冰室的字樣！榛子醬西多士，真係第一次食一件咁好味的西多士。 因為入面竟然係我最鍾意的榛子醬！一刀切落去的時候，滿滿的榛子醬向西多士裏慢慢流出， 簡直